Veigar Heiðarsson

Um þig - hvað heitirðu, aldur, í hvaða klúbbi ertu og hvað ertu að gera í lífinu?

Ég heiti Veigar Heiðarsson, er 19 ára og keppi fyrir Golfklúbb Akureyrar. Ég stunda nú háskólanám í Bandaríkjunum, þar sem ég spila golf fyrir ETSU og fæ þannig tækifæri til að æfa og keppa við bestu mögulegu aðstæður.

Íþróttin - hvenær byrjaðir þú að stunda/æfa golf og hvernig kviknaði áhuginn?

Ég byrjaði mjög ungur að spila golf, nánast um leið og ég gat haldið á kylfu. Pabbi minn var atvinnukylfingur og það var í gegnum hann sem áhugi minn á íþróttinni kviknaði.

Samstarfið - hvenær hófst þitt samstarf við Örninn og hvað hefur það gert fyrir þig?

Samstarfið byrjaði 2024 og það hefur hjálpað mér á svo ótrúlega marga vegu, fæ bestu græjurnar fyrir mig með mælingum og hjálpar gríðarlega peningalega séð þar sem golf er svo sannarlega ekki það ódýrasta sem maður getur valið

Hvað er í pokanum? ⛳️

Driver: Taylormade Stealth2

Fairway wood / hybrid: Taylormade Mini Driver, Srixon 2 járn

Járn: Srixon Forged Blade járn

Fleygjárn: Cleveland RTx6 Tour Rack

Pútter: Spider

Uppáhaldskylfan í pokanum: Hvaða kylfa er í uppáhaldi hjá þér og af hverju?

Uppahaldskylfan er alltaf 60 gráður þar sem það er langt skemmtilegasta kylfan til að slá mismunandi högg í kringum grínið

Eftirminnilegasti golfhringurinn: Hvaða golfhringur stendur mest upp úr hjá þér og af hverju?

Það var gaman að vinna svíja á EM í sumar

Markmið - hvert er þitt markmið í íþróttinni og hvað er framundan hjá þér?

Markmiðið mitt er að spila golf á stærðstu mótaröðum í heiminum og gera golf að vinnu og vinna mót þar, framundan hjá mér er að spila golf fyrir háskólan sem ég er í hér í bandaríkjunum.

Helstu afrek:

Íslandsmeistari unglinga í höggleik 2023,2024 Íslandsmeistari í holukeppni unglinga:2020,2021,2024 Íslandsmótið í golfi 2025 3 sæti, Em liða pilta 2023: 2 sæti og valinn í karlalandslið 2025 og 2026