Ragnhildur Kristinsdóttir
Um þig - hvað heitirðu, aldur, í hvaða klúbbi ertu og hvað ertu að gera í lífinu?
Ragnhildur Kristinsdóttir, 29 ára atvinnukylfingur úr Golfklúbbi Reykjavíkur
Íþróttin - hvenær byrjaðir þú að stunda/æfa golf og hvernig kviknaði áhuginn?
Fékk fyrsta golfsettið í 6 ára afmælisgjöf, en hafði farið á sumarnámskeið fyrr á því ári. Áhuginn kviknaði í raun útfrá því að bræður mínir voru í golfi, og ég leit gífurlega mikið upp til þeirra og langaði að gera allt sem þeir voru að gera. Síðan ég var 13/14ára þá hefur golf verið í forgangi hjá mér og hef keppt út um víða veröld.
Samstarfið - hvenær hófst þitt samstarf við Örninn og hvað hefur það gert fyrir þig?
Formlegt samstarf hófst vorið 2025, samstarfið hefur leyft mér að ferðast um heiminn sem atvinnumaður án þess að hafa áhyggjur af praktísku hlutunum eins og kylfum, boltum, hönskum, skóm og hönskum. Einnig ef að það er eitthvað sem vantar í pokann eða einhver æfingatæki sem vantar þá get ég alltaf fundið það í Erninum.
Hvað er í pokanum? ⛳️
Driver: Taylormade Qi4d (Ventus Red7x)
Fairway wood / hybrid: Taylormade Qi4D 3hl (Ventus Red 7x) og Taylormade Qi35 7w (Ventus Red 7x) / Srixon zxiU 3 járn
Járn: 4 & 5 járn Srizon zxi7, 6-PW Srixon Zx-ii Blades (Dynamic gold 115g mid x100)
Fleygjárn: Cleveland RTZ (Dynamic gold wedge flex)
Pútter: Taylormade Spider Tourx - L-neck (33")
Bolti: Srixon Z-star diamond
Uppáhaldskylfan í pokanum: Hvaða kylfa er í uppáhaldi hjá þér og af hverju?
Driverinn er uppáhalds kylfan í pokanum, vegna þess að það er sú kylfa sem ég get leyft mér að sýna minn helsta styrkleika sem er högglengdin mín. Hins vegar þegar að 3 járnið er í pokanum, þá er mjög skemmtilegt að slá mismunandi högg með því.
Eftirminnilegasti golfhringurinn: Hvaða golfhringur stendur mest upp úr hjá þér og af hverju?
Það eru tveir hringir sem standa upp úr fyrir mismunandi hluti. Fyrri hringurinn er frá vorinu 2021, stigamót á Akranesi, spilaði lokahringinn þar á 63 höggum sem er lægsta skor sem hefur verið spilaði á í kvennaflokki á Íslandi. Seinni hringurinn er lokahringurinn á Íslandsmótinu 2023 í Oddi, það er ekki útaf skori heldur tilfinningunni sem fylgdi í kjölfarið að vinna Íslandsmótið í golfi.
Markmið - hvert er þitt markmið í íþróttinni og hvað er framundan hjá þér?
Markmiðið fyrir næstu ár er að tryggja mig inn á LET, og festa sig í sessi þar. Stærsta markmiðið er hins vegar núna að tryggja sig inn á ólympíuleikana í LA 2028. Næst á dagskrá er að klára tímabilið á LETAS.
Helstu afrek:
Sigur á Västerås Open á LETAS mótaröðin 2025
8 sæti á stigalista LETAS mótaraðarinnar 2025
Íslandsmeistari 2023
